26 Mei 2022
Die plaaslike regering in Barcelona, Spanje het nagenoeg 290 bokke en skape “aangestel” om die ruig beboste gebied van ‘n nasionale park in dié stad, onder beheer te kou.
Volgens die regering is die Collserola Nasionale Park oorgroei met grasse en bosse en dat dit ‘n risiko inhou vir weghol veldbrande. Die “aanstelling” van die bokke en skape is deel van ‘n proeflopie om die ruig plantegroei op ‘n omgewingsvriendelike wyse te beheer.
Een van die skaapwagters, Daniel Sanchez sê die projek help ook om die inwoners van Spanje se tweede grootste stad in te lig oor die plattelandse lewe.
Die park is 8 200 hektaar groot – ongeveer 22 keer groter as Central Park in New York.
