19 Oktober 2021
‘n Boer van Ventersburg in die Vrystaat is op aanklagte van poging tot moord in hegtenis geneem nadat hy op jagters se honde losgebrand het.
Volgens die polisie se brigadier Motantsi Makhele het die honde se eienaars beweer dat Piet Kleynhans die honde geskiet het terwyl die honde tussen die mense op die dorpsmeent rondgehardloop het.
Hulle het ook beweer dat hy een van die mans met sy bakkie raakgery het.
Volgens Kleynhans was die honde eers op sy grond waar hulle onwettig wild gejag het voordat hulle na die dorpsmeent gehardloop het.
Hy sê sy wildsheining is ook geknip en daar is ‘n selfoon en spore in sy wildskamp gevind.
Kleynhans het reeds verskeie klagtes teen onwettige jagters ingedien maar tot dusver was daar nog nie suksesvolle vervolgings nie.
Stem vir die Aitsa’s
