19 Mei 2021
Die premier van die Vrystaat, Sisi Ntombela het gister met verskeie gemeenskapsleiers in die Mangaung-metro vergader, in ‘n poging om ‘n einde te bring aan die onluste in die Rosestad.
Daar is op die vergadering ooreengekom dat die kop van die Mangaung-metro se stadsbestuurder, advokaat Tankiso Mea, moontlik sal rol, soos deur die betogers geëis is.
LEES OOK: BETOGINGS IN BLOEMFONTEIN DUUR VOORT, ONDANKS TIENERSEUN SE DOOD
’n Spesiale raadsvergadering sal na verwagting môre in Bloemfontein gehou word waarop die aangeleentheid oor Mea se skorsing hanteer sal word.
Intussen is 30 mense reeds weens die onluste in hoofsaaklik Bloemfontein se townships in hegtenis geeem. Die betogings het Sondagaand begin en tot gistermiddag voortgeduur.
LEES OOK: BLOEMFONTEIN TOT “STILSTAND” GEDWING TE MIDDE VAN BETOGING
Die betogings het die afgelope twee dae die stad tot ‘n totale stilstand gedwing. In sommige gevalle is ambulanse en ander nooddienste verhoed om by pasiënte uit te kom.
‘n 15-jarige kind, Jevano Liam Siegel is Maandag in die proses, deur ‘n veiligheidswag doodgeskiet.
Die groep verdagtes sal na verwagting vandag in die hof verskyn.
