18 Desember 2023
Deur: Janke Vogel
Die Suid-Afrikaanse Nasionale Bloeddiens (SANBS) het ‘n ernstige tekort aan bloed.
Monique Schreiner, senior bestuurder getaak met skenkerverhoudinge by die SANBS sê die verskillende takke kry tans nie genoeg skenkings nie. Volgens haar is daar veral ‘n kritieke tekort aan die B-positief en O-positief bloedgroepe.
Schreiner verduidelik dat daar ‘n paar vereistes is voordat jy bloed mag skenk.
- Die skenker moet jy ouer as 16 jaar wees
- Meer as 50kg weeg
- Moet ‘n lae risiko seksuele lewe lei
- Jy moet op die betrokke dag geëet het
- Moet geen verkoue simptome ervaar nie
“In hierdie stadium is daar ‘n risiko dat die bloedbank leeg kan loop. Die SANBS se gewenste kwantiteit bloed is vyf dae se voorraad per bloedgroep,” verduidelik Schreiner. Onlangs het die bloeddiens slegs genoeg voorraad vir 1,8 dae gehad.
“Te danke aan ons getroue skenkers is die getalle nou op 3,2 dae se voorraad, máár dit is steeds te min.”
Besoek die SANBS se webtuiste vir meer inligting.
