26 Mei 2022
‘n Drywer van ‘n Fidelity-geldwa is ‘n kort ruk gelede van geld beroof, wat hy by die Takealot-optelpunt in Hatfield gaan oplaai het.
Volgens inligting tot Pretoria FM se beskiking het vyf tot ses lede van ‘n beweerde transitobende ‘n werkgewer van Takealot gevra om die maatskappy se deur oop te maak, omdat hulle – volgens hulle – ‘n pakkie wil oplaai.
Die Fidelity veiligheidswag se geldwa was buite die gebou, terwyl hy binne doenig was. Volgens ‘n bron op die toneel was die verdagtes gewapen en het ook die beampte se vuurwapen gesteel. Hulle het op die vlug geslaan met ‘n bedrag geld.
Dit lyk nie asof iemand beseer is nie.
