10 Julie 2023
Die hooggeregshof in Pretoria het beslis dat die Suid-Afrikaanse poskantoor, Sapo, in sakeredding geplaas moet word.
Die regering het die hof genader om dié staatsentiteit in sakeredding te plaas nadat Sapo onder voorlopige likwidasie geplaas is.
Die regering het onder meer in die hof aangevoer dat Sapo nié gelikwideer kan word nie omdat sowat ‘n 110 000 begunstigdes hul welsynstoelaes by poskantoor-takke regoor die land afhaal.
Met dié beslissing word Sapo die vierde staatsentiteit wat in sakeredding geplaas word. Die Suid-Afrikaanse Lugdiens, sy voormalige filiaal Mango en die staatsbeheerde streeklugdiens SA Express is ook vroeër in sakeredding geplaas.
Sien die beslissing hier:
