9 Junie 2022
Die lugdiens, Comair se vlerke is geknip nadat sy sakeredders aangekondig het dat daar geen redelike kans is dat die maatskappy finansieel kan herstel nie.
Comair bedryf Kulula en British Airways in Suid-Afrika.
Die gesamentlike sakeredders, Richard Ferguson en Neil Hablutzel het in ‘n kort kennisgewing geskryf dat hulle nie die nodige finansiering kon bekom om die lugdiens te red nie.
LEES OOK: COMAIR SÊ KLIËNTE KAN HUL GELD TERUGKRY
Volgens berigte is die kennisgewing reeds aan werknemers van die betrokke lugdienste gestuur.
Comair moes op 1 Junie sy vlugte op kort kennisgewing kanselleer. Die onderneming het in Mei 2020 hom aan vrywillige sakeredding onderwerp weens sy voortdurende finansiële probleme.
