18 Desember 2024
Die Grondwethof het ten gunste van persone met siggestremdhede beslis deur ʼn tussentydse bevel uit te reik.
Hiervolgens het hulle die reg om materiaal – wat deur kopiereg beskerm word – in toeganklike formate om te skakel sonder om toestemming te verkry daarvoor.
Hierdie bevel is tydelik en geld totdat die hof ʼn finale uitspraak in die saak lewer.
‘n Nie-regeringsorganisasie, Section 27 het in Oktober vanjaar ʼn dringende aansoek by die land se hoogste hof ingedien nadat president Cyril Ramaphosa versuim het om die Kopieregwysigingswetsontwerp teen 21 September te onderteken.
Section 27 verteenwoordig Blind SA in die hofsaak.
Dié sperdatum is reeds twee jaar gelede deur die hof vasgestel.
Die hof het nog nie aangedui wanneer hy sy finale uitspraak sal lewer sal nie, maar die verhoor oor die president se verwysing van die kopieregwysigingswetsontwerp sal op 19 en 20 Februarie volgende jaar aangehoor word.
