8 Januarie 2024
Die minister van hoër onderwys Blade Nzimande sê hy het nooit enige geld van enige entiteite gevat om die Suid Afrikaanse Kommuniste Party te befonds nie.
Nzimande is tans besig om die media toe te spreek oor die bewerings van korrupsie by die Nasionale Finansiële Hulpskema vir Studente.
Hy sê die bewerings wat die Organisasie Teen Belastingmisbruik maak, is ongegrond en kwaadwillig.
Volgens OUTA se verslag wat verlede week vrygestel is, het Nzimande en die voorsitter van die NSFAS raad Ernest Khosa omkoopgeld ontvang van diensverskaffers, in ruil vir kontrakte.
Nzimande sê die uitgelekte klankopnames in OUTA se besit is deel van ’n veldtog deur diensverskaffers om die besluite van die NSFAS raad te beinvloed.
Nzimande sê hoewel hy onskuldig pleit oor die bewerings dat hy betrokke is by korrupsie, sal hy hom vrywillig onderwerp aan die ANC se integriteitskommitee.
Die minister sê hy speel geen rol in die toekenning van kontrakte by NSFAS of die Sektor Onderwys en Opleidings Raad nie.
