13 April 2023
Die voorlopige likwidateurs van die Gautengse diamanthandelaar, Louis Liebenberg se maatskappy, Tariomix sê hulle het bewyse ontvang wat daarop dui dat Liebenberg omkoopgeld aan staatsamptenare en polisiebeamptes betaal het.
Prokureurs vir Tariomix het dié aantygings ten sterkste ontken en sê dit is niks meer as ontoelaatbare hoorsê-getuienis nie – wat daarop gemis is om Liebenberg se beeld te skaad.
Die bewerings het aan die lig gekom tydens ‘n hofaansoek deur Tariomix om sy voorlopige likwidasie om te keer.
Tariomix – wat die koop en verkoop van diamante finansier – is beter bekend onder sy handelsnaam Forever Diamonds and Gold.
Dit is in Februarie onder voorlopige likwidasie geplaas ná ‘n dringende aansoek deur Ruan Botes en Jeandré Viljoen – twee beleggers wat sê hulle het nooit hul beloofde uitbetalings gekry nie.
Die bewerings van omkopery is ingesluit in drie verslae wat die voorlopige likwidateurs by die hof ingedien het.
