14 November 2022
Die planeet Aarde sal na verwagting vandeesweek sy agt miljardste inwoner ontvang.
Dit is onmoontlik om presies te bepaal hoeveel mense daar op Aarde is, maar die Verenigde Nasies voorspel dat die agt miljardste inwoner die week gebore sal word. Omdat die presiese dag ook nie bepaal kan word nie, het die VN besluit om dié mylpaal môre te vier.
Die Aarde het slegs elf jaar gelede ‘n wêreldbevolking van sewe miljard mense gehad. Verder was daar 48 jaar gelede slegs vier miljard mense op aarde
Volgens die VN groei die bevolking, maar voorspel hulle dat dit in ‘n stadium sal stil staan, en selfs afneem.
