10 Mei 2022
Eskom het bevestig dat fase 2-beurtkrag weer vanaand tussen 17:00 en 22:00 ingestel gaan moet word weens die druk op die kragnetwerk.
Die kragvoorsiener se woordvoerder, Sikonathi Mantshantsha sê met die winter wat op pad is neem die vraag na elektrisiteit toe. Fase 2-beurtkrag is ook gisteraand ingestel.
Hy sê beurtkrag sal waarskynlik die hele winter nodig wees in die piektye wat die meeste krag verbruik word. Volgens hom moet mense hulle ook staal vir hoë fases van beurtkrag indien nog kragopwekkingseenhede onklaar raak.
Mantshantsha sê sedert gister het verskeie eenhede uitgeskop en is dus van die kragnetwerk verwyder.
Hy het weer ‘n beroep op Suid-Afrikaners gedoen om krag spaarsaam te gebruik.
