18 Julie 2022
Eskom het aangekondig dat beurtkrag vir minstens nog ‘n week ingestel sal word, maar teen laer fases as wat die afgelope paar weke die geval was.
Volgens die jongste vooruitskatting – wat vir die volgende sewe dae geld – sal dit tot volgende Maandag van 16:00 die middag af tot om middernag ingestel word.
Van vandag tot Donderdag sal fase 2-beurtkrag waarskynlik in dié tydperk ingestel word en van Vrydag af tot volgende Maandag word beplan om fase 1-beurtkrag in te stel.
Die kragverskaffer het bevestig dat die beurtkragfases afhanklik is van die opwekkingskapasiteit en dat dit wel kan verander.