14 November 2023
Die voorsitter van die Onafhanklike Verkiesingskommissie (OVK), Mosotho Moepya, sê beurtkrag sal geen beduidende uitwerking op die OVK se werk tydens sy landwye registrasie-naweek vir kiesers hierdie komende naweek hê nie.
Dit is die OVK se eerste registrasienaweek in aanloop tot aanstaande jaar se algemene verkiesing.
Volgens die adjunk-hoof van die OVK, Masego Sheburi sal die registrasiepunte vanaf 08:00 die oggend tot 17:00 die middag oop wees.
Daar sal ‘n tweede registrasienaweek wees, maar die datum daarvoor moet nog vasgestel word.
Sheburi sê Suid-Afrikaners in die buiteland sal ook vanaf aanstaande naweek aanlyn kan registreer.
