12 Julie 2022
Terwyl die res van die land tot minstens die naweek nog aan beurtkrag onderwerp word, het dit aan die lig gekom dat inwoners van Bryntirion Estate – waar die president, die adjunk-president en verskeie ministers tuis gaan – nie alternatiewe planne hoef te beraam om die ligte aan te hou nie.
Die nasionale standaard wat beurtkrag reguleer – die sogenaamde NRS 048-9 – maak geen voorsiening daarvoor dat politici se wonings die ongerief gespaar hoef te word nie.
Volgens ‘n berig wat deur Moneyweb gepubliseer is, weier die Tshwane metroraad om enige navrae hieroor te beantwoord behalwe dat hulle sê dat daar wel aan die vereistes van die nasionale standaard voldoen word.
Slegs twee geboue word in die standaard uitgelig naamlik die Uniegebou -wat ook in Pretoria geleë is – en die Parlement.
