29 Augustus 2022
Die bestuurder van ‘n vragmotor – wat steenkool vervoer het – is vanmiddag dood nadat sy voertuig teen ‘n ander vragmotor – wat ook steenkool vervoer het – gebots het.
Volgens die woordvoerder van die nooddiens Emer-G-Med, Kyle van Reenen, het die man op die N4 tussen Malelane en Komatipoort in Mpumalanga aan brandwonde beswyk.
Die bestuurder van die ander vragmotor is vir geringe beserings behandel.
Ooggetuies voer aan dat die vragmotors – wat reg van voor teen mekaar gebots het – teen hoë spoed gery het.
In ‘n tweede botsing wat plaasgevind het toe ‘n motor in die wrakstukke vasgery het, is vier persone beseer.
