7 Maart 2023
Die beplande mosie van wantroue wat die EFF en die ANC in die burgemeester van die Mogale-City munisipaliteit in Krugersdorp, Tyrone Gray, wou belê, het platgeval.
Die kommunikasiebestuurder van die DA in Gauteng, Hermann Pretorius, sê dié mosie moes vandag in die raad gedien het.
Volgens hom het die EFF en ANC egter druk van plaaslike inwoners gekry wat Gray as burgemeester van dié munisipaliteit ondersteun.
Die partye kon gevolglik nié die mosie ter tafel lê nie omdat daar nie ‘n kworum in die raad bereik is nie.
