8 Desember 2022
Eskom het besluit, gegewe die huidige toestand van die kragnetwerk, om die beplande afskakeling van die Koeberg-kernkragsentrale uit te stel.
Die kernkragsentrale sou afgeskakel word om die kragnetwerk die kans te gee om te stabiliseer en kragopwekkingsvermoë te herstel. Eenheid een sou al gisteraand afgeskakel word vir brandstofhervulling. Eskom is ook besig met die proses om Koeberg se drie stoomopwekkers te vervang.
Die doel van die projekte is om Koeberg se bedryfsleeftyd van 2024 met nog 20 jaar te verleng.
Luidens ‘n verklaring van Eskom is Eenheid een van die Koeberg-kernkragstasie al vir 407 dae aanlyn.
Tans geld fase 6-beurtkrag tot môreoggend 05:00 . Daarna sal fase 5-beurtkrag geld tot Saterdagoggend 05:00.
