21 April 2021
Die Federasie van Afrikaanse Kultuurvereniginge, oftewel FAK bied ‘n beloning van R20 000 aan vir enige inligting, wat kan lei tot die opsporing van die borsbeeld van generaal Koos de la Rey.
Dit kom nadat dié borsbeeld die afgelope naweek by sy graf in Lichtenburg in Noordwes glo gesteel is.
Die FAK het op sy Facebook-blad, generaal De la Rey beskryf as een van die mees gevierde boeregeneraals, wie se krygsvernuf hom as die Leeu van Wes-Transvaal bekend laat word het.
Intussen het die FAK gesê dat hy die gesteelde bronsbeeld, wat deur Fanie Eloff in 1917 gemaak is, met ’n onvernietigbare replika gaan vervang.
Dié organisasie het in 2018 ook president Paul Kruger se gevandaliseerde borsbeeld op sy graf in die Heldeakker-begraafplaas vervang.
