4 April 2022
‘n Verslag wat deur die Internasionale instituut vir Volhoubare Ontwikkeling, die IISD, uitgereik is, beveel aan dat Suid-Afrika eerder in hernubare energie en batterykrag belê as om aardgas vir elektrisiteitsopwekking te gebruik.
Luidens die verslag sal dit nie net goedkoper wees nie, maar ook die ekonomie en klimaat minder skade aandoen.
Die IISD – wat in Kanada gesetel is – is ‘n dinkskrum wat onder meer geld van die Bill en Melinda Gates stigting, asook ontwikkelingsagentskappe in Duitsland, Denemarke, Swede en Noorweë kry.
‘n Gevolgtrekking waartoe die skrywers van die verslag kom is dat dit nie vóór 2035 vir die land nodig sal wees om uitbreidings in dié verband te doen nie.
Om die eerste 3000 mega-watt kragopwekking binne die volgende agt jaar te onwikkel, sal die land ongeveer R47-miljard kos – wat meer doeltreffend elders aangewend kan word.
