7 September 2021
Die Solidariteit Navorsingsinstituut het ʼn verslag uitgereik wat daarop dui dat die belastinglas kan verdubbel – en selfs verdriedubbel – indien die witskrif oor die Nasionale Gesondheidsversekering (NGV) aanvaar word; en die groenskrif oor maatskaplike sekerheid – ná hersiening – deurgevoer word.
Solidariteit se Hoofraad het besluit dat daar met ʼn omvattende, wettige belastingprotes begin kan word, en dat daar beplan word om die NGV-voorstel in die hof te toets – as deel van die protes.
Dr. Dirk Herman, Solidariteit se bestuurshoof sê indien die regering sou voortgaan met sy voorneme om die groenskrif oor maatskaplike sekerheid te herpubliseer, sal Solidariteit dit ook in die hof uitdaag.
LEES OOK: VERBRUIKERSPRYSINDEKS: “REGERING MOET BELASTING OP BRANDSTOF VERMINDER”
Volgens die verslag word Suid-Afrikaanse belastingbetalers – vergeleke met hulle wêreldgenote – buitengewoon hoog belas – sonder dat die regering sy kant van die tradisionele kontrak nakom.
Die verslag onthul dat die verhouding van belasting tot BBP, die tweede hoogste ter wêreld is – naas dié van Swede.
Verdere impakstudies toon dat die implementering van die NGV ʼn toename in belasting tot gevolg sal hê wat sal veroorsaak dat die meerderheid belastingbetalers se las – tot so veel as verdriedubbel.
Dr Herman het bygevoeg dat n klein persentasie van die land se burgers die grootste deel van die belastinglas moet dra – terwyl hulle baie min in ruil daarvoor kry.
Stem vir die Aitsa’s
