16 April 2021
Kykers van eNuus en eNCA is tydens die weeklikse nuusprogramme ingelig dat die weerkundiges, Annette Botha en Joel “Guy” Chabata nié meer op die kassie gaan wees nie.
Dit blyk uit verskeie berigte asof alle weerkundiges by dié stasie se kontrakte beëindig is en dat daar voortaan net gebruik gemaak sal word van elektroniese weerkaarte sonder die menslike element.
Chabata het 12 jaar vir eNCA gewerk en Botha was vir 7 jaar by eNuus.
eNCA het volgens berigte ook nog nie verduidelik waarom die besluit geneem is nie.
‘n Emosionele Botha het tydens gisteraand se bulletin aangekondig dat dit haar laaste uitsending is en het foto’s van haar gunsteling weerverskynsels gewys.
Daarna het sy die uitsending – soos oudergewoonte – met die woorde: Onweer of mooiweer afgesluit. Die eNuus-aanbieder, Pieter Jordaan het na die weer insetsel op die lug dié aankondiging as “onverwags” beskryf.
