3 Mei 2023
Die energiekenner, Ted Blom het sy stryd met kanker verloor.
Blom het gereeld bydraes gelewer op Pretoria FM, en Klankkoerant, veral te midde van die kragkrisis en voortslepende beurtkrag.
Sy afsterwe is vanoggend op sy amptelike Facebook-blad bevestig. Hy is in die plasing beskryf as ‘n eerbare man met sterk beginsels. “Hy was ‘n toegewyde pa, en kenner wat daarin gestreef het om die kragkrisis op die lappe te bring.”
Blom was voorheen ‘n werknemer van Eskom. Hy het reeds baie jare geworstel met kanker.
Sy gedenkdiens vind op 14 Mei in Sandton plaas.
