21 April 2021
Die polisie in Lecco, in die noorde van Italië, gaan nie ‘n klagte lê teen ‘n 94-jarige vrou wat ‘n diefstalklag versin het in ‘n poging om geselskap te kry nie.
Polisiebeamptes wat op dié opgemaakte klag gereageer het, het besef dat die vrou waarskynlik net eensaam is en iemand gesoek het om haar hartseer en bekommernis mee te deel.
Sy het geen nabye familie nie en het angstig geraak omdat sy die daaropvolgende week na ‘n bejaardesorgsentrum sou verhuis.
Die wetstoepassers het die volgende dag weer by die pensioenaris gaan inloer en boonop koek saamgeneem om oor ‘n koppie tee saam met haar te deel, terwyl hulle haar gerus gestel het oor die komende verhuising.
