4 November 2021
Twee verdagtes is in hegtenis geneem nadat ‘n 84-jarige vrou van Bronkhorstspruit vroeg vanoggend op ‘n plaas deur minstens sewe gewapende mans aangeval is.
Hulle het haar ook na bewering met ‘n blaasvlam gebrand – wat hulle self na die toneel gebring het. AfriForum se streekshoof vir gemeenskapveiligheid in die noordstreek, Llewellyn Hemmens sê ‘n plaaswerker is ook glo in sy huis aangehou en aangerand.
Volgens hom is toegang daarna by die hoofhuis verkry deur vensters en diefwering te breek. Hemmens sê ‘n sitkamerstel, yskas, vrieskas, staanboor en ander goedere is gesteel. ‘n Silwer Ford Ranger bakkie (CC35GMGP) is ook gesteel.
Volgens Hemmens is ‘n hoeveelheid gesteelde goedere by die twee verdagtes gevind. “Gesteelde goedere van vorige voorvalle is ook glo gekry.” Die soektog na nog verdagtes duur voort.
Stem vir die Aitsa’s
