24 Mei 2022
Die beheerliggaam van die Hoërskool Rustenburg sê hulle stel ondersoek in nadat ‘n groep leerlinge van die skool na bewering ‘n Nazi-saluut by die skool gedoen het.
Volgens ‘n verklaring van die skool se beheerliggaam het die leerlinge tydens ‘n onlangse karaoke-kompetisie ‘n Duitse lied uit die Tweede Wêreldoorlog gesing waarna hulle die saluut uitgevoer het.
‘n Video van die voorval is glo sedertdien aan die skool gestuur.
Die voorsitter van die beheerliggaam, Bernhard Visser sê hulle beskou die voorval in ‘n baie ernstige lig.
“‘n Dissiplinêre ondersoek is reeds onderweg, die leerlinge is geïdentifiseer en hulle ouers is ingelig.” Hy sê die Noordwes onderwysdepartement sal ook van die ondersoek ingelig word.
“Die beheerliggaam is nie net bekommerd oor die skade aan die skool se reputasie nie, maar ook oor die gebrek aan bewustheid rakende sekere sosiale kwessies.
Lees die volledige verklaring hier.
