2 Junie 2021
‘n Senior beampte van die departement van binnelandse sake het onder skoot gekom nadat hy die omstrede Malawiese voortvlugtige lekeprediker, Shepherd Bushiri en sy familie se aansoeke om permanente verblyf, goedkeur het.
Die hoofdirekteur vir permitte, Ronney Marhule, is intern aangekla oor die goedkeuring van die Bushiri’s se permanente verblyfaansoeke sonder dat die standaardprosedures glo behoorlik nagekom is.
Marhule word daarvan beskuldig dat hy die aanbeveling van Bushiri en sy onmiddellike familie se aansoeke om permanente verblyfreg goedgekeur het.
‘n Interne ondersoek by binnelandse sake het bevind dat die goedkeuring van die aansoek – wat in Maart 2016 ingedien is – ook teenstrydig met die immigrasiewet is.
Marhule word saam met drie ander beamptes aangekla.
Die Bushiri-egpaar het landuit gevlug nadat hulle op borgtog vrygelaat is in ‘n saak waar hulle verdink word van meer as R 100-miljoen se bedrog, korrupsie en geldwassery.
