15 November 2021
Die bekende speelpop, Barbie kry binnekort ‘n Suid-Afrikaanse oormaaksessie, nadat die modeontwerper, Gert-Johan Coetzee aangekondig het dat hy saam met die eienaar van Barbie, Mattel SA gewerk het om eg Afrika uitrustings te ontwerp.
The Barbie Loves Gert versameling bevat 31 Barbie-uitrustings geïnspireer deur Suid-Afrikaanse mode, style en materiaal. Dié versameling bevat uitrustings van alle kulture in Suid-Afrika.
Volgens Coetzee wil hy hê dat Barbie aanhangers die uniekheid van Suid-Afrika moet beleef deur Barbie se nuwe beeld. “Die pienk is deur die Pedi-kultuur geïnspireer en geometriese patrone is eie aan die Zoeloe’s.”
Een van die mees unieke rokke in die versameling is ‘n pienk aandrok met meer as 3 000 egte steentjies en pêrels. Dit het die ontwerper ongeveer 50 ure geneem om te maak.
Stem vir die Aitsa’s
