1 Desember 2022
Eskom het vandag, vir die vierde keer sedert 2015, op al die Emfuleni-plaaslike munisipaliteit se voertuie beslag gelê.
Die munisipaliteit bedien Evaton, Sebokeng, Vaal Oewer, Vanderbijlpark en Vereeniging.
Hierdie stap is die uitvoering van ʼn beslagleggingsbevel wat die Gautengse hooggeregshof toegestaan het in Oktober vanjaar om Eskom te magtig om op Emfuleni se roerende bates asook ʼn bankrekening beslag te lê vir die R1,3 miljard wat die munisipaliteit die kragvoorsiener skuld.
Die VF Plus-raadslid, Gerda Senekal sê hierdie skuld is slegs ʼn gedeelte van die munisipaliteit se uitstaande skuld van meer as R5-miljard aan Eskom.
Sy sê Eskom het reeds op ʼn bankrekening beslag gelê. Dié kragverskaffer was die tweede groot verskaffer wat die hooggeregshof genader het. ʼn Week daarna is Randwater se beslagleggingsbevel ook deur die hooggeregshof toegestaan.
“Vandag het die balju beslag gelê op 25 voertuie wat insluit voertuie van die bou-, verkeers-, parke-, sportafdeling en kragafdeling. Die beslaglegging van voertuie benadeel die dienslewering in Emfuleni ingrypend,”
