26 Januarie 2023
‘n 27-jarige vrou van Parintins in Brasilië het geboorte geskenk aan ‘n babaseuntjie van 7,3 kilogram.
Dié seuntjie, Angerson is sy ma, Cleidiane dos Santos se sesde kind. Sy het aan ‘n plaaslike koerant vertel dat sy glad nie verwag het dat hy so groot gaan wees nie, en het haarself op ‘n baba van 4 kilogram voorberei.
Die baba is op 18 Januarie via keisersnit in die Pade Colombo-hospitaal gebore. Volgens die Amerikaanse Swangerskapsvereniging is die meeste babas, wat die volle termyn in hulle ma se baarmoeder was, gewoonlik tussen 2,7 kilogram en 4,08 kilogram by geboorte.
Volgens die vereniging kan ‘n swaarder geboortegewig lei tot gesondheidsrisiko’s.
Die swaarste baba in die geskiedenis is volgens Guiness Wêreldrekord in 1955 in Italië gebore met ‘n gewig van 10.34 kilogram.
