12 September 2022
Reddingswerkers moes ‘n motor – wat by ‘n winkelsentrum in KwaZulu-Natal geparkeer was – oopbreek om ‘n baba te red, nadat dié se ouer die kind in ‘n motor toegesluit het.
‘n Veiligheidswag het gesien die kind is in die voertuig toegesluit en het alarm gemaak.
By hulle aankoms op die toneel het paramedici die kind bewusteloos aangetref en is met geen ander keuse gelaat as om die motor oop te breek nie.
Behandeling is op die toneel toegepas waarna die kind na ‘n hospitaal afgevoer is.
Dit is nie bekend hoe lank die ouer in die winkelsentrum was nie, maar volgens berigte was dit etlike ure.
Die polisie ondersoek die voorval.
