13 Desember 2022
Die artikel 89-proses teen president Cyril Ramaphosa gaan nié voort nie.
Die speaker van die Nasionale Vergadering, Nosiviwe Mapisa-Nqakula, sê die meerderheid van LP’s het teen die proses gestem.
Volgens haar het 214 LP’s teen dit gestem, 148 ter ondersteuning daarvan en twee het buite stemming gebly.
Vierhonderd LP’s het in die Kaapstadse Stadsaal vanmiddag gestem vir die aanvaarding of verwerping van die artikel 89-paneel se verslag na die Phala Phala aangeleentheid.
Daar was 134 stemme plus een nodig om die verslag af te keur of goed te keur.
