14 Julie 2021
Die Suid-Afrikaanse Aptekersraad (SACP) het ‘n waarskuwing uitgereik oor die gebruik van onvoorgeskrewe medisyne nadat talle apteke tydens onluste geplunder is.
Volgens die SACP se uitvoerende hoof, Vincent Tlala is ongeveer 90 apteke gister geplunder – waarvan die meeste in KwaZulu-Natal. Hy sê die raad is uiters ontsteld oor die verwoesting van apteke – waarvan sommiges nie herstel sal kan word nie.
Tlala sê behalwe vir die ekonomiese verlies is die SACP ook bekommerd omdat voorgeskrewe medikasie en Covid-19-entstowwe in sommige voorvalle gesteel is.
“As dié medikasie sonder die nodige voorskrifte gebruik word kan dit ernstige mediese probleme tot gevolg hê.” Hy sê mense wat dié medikasie gesteel het moet dit nie gebruik nie en ook nie vir ander mense gee nie.
Die raad het ‘n beroep op plunderaars gedoen om nié gesondheidsgeriewe tydens onluste te teiken nie.
Hou Afrikaans op die lug
