2 Augustus 2022
Die ANC in Gauteng sê hy neem kennis van die aanvalle en dreigemente deur sogenaamde rassistiese groepe op die provinsiale voorsitter, Panyaza Lesufi.
Die ANC in Gauteng se sekretaris sê in ‘n verklaring dat hulle erg bekommerd is oor die aanvalle op Lesufi van sekere “regse, rassistiese groepe.”
LEES OOK: “LESUFI MOET TEEN DIE EINDE VAN DIE DAG R500 000 AAN AFRIFORUM BETAAL”
Die sekretaris, Thembinkosi Nciza sê Lesufi word aangeval terwyl hy homself uitspreek teen rassisme. Hy het Lesufi se uitlatings benadruk dat rassime nie in die land hoort nie.
Dit kom nadat Lesufi onlangs in ‘n onderhoud met die Suid-Afrikaanse Uitsaaikorporasie (SAUK) gesê het dat hy nooit rassiste sal verdedig nie en meen “rassistiese groepe soos AfriForum en die VF Plus, wat slegs een rasgroep verteenwoordig, hoort nie in Suid-Afrika nie.”
Hy sê hulle is reeds ‘n geruime tyd bewus van AfriForum en die VF Plus se houding teenoor Lesufi en dreigemente met regstappe, omdat hy bloot “standpunt in neem teen rassisme.”
LEES OOK: KYK: LESUFI SÊ AFRIFORUM HET NIE BESTAANSREG NIE
“Die ANC is die enige nie-rassige organisasie, wat altyd sal veg vir ‘n nie-rassige land. Die party staan vir respek en menseregte vir alle mense in die land.”
Die uitvoerende hoof van AfriForum, Kallie Kriel sê benoude katte maak benoude spronge en meen Lesufi besef hy is in die moeilikheid weens vroeër uitlatings wat hy gemaak het dat AfriForum sy kinders agtervolg en ‘n sluipmoord-aanval teenoor hom wou uitvoer.
Lesufi se regspan het met die organisasie geskik oor die uitlatings. Hy meen ‘n ou strategie van die ANC is om mense van rassisme te beskuldig.
Luister hier na Kriel se reaksie:
