20 Maart 2024
Die ANC se sekretaris-generaal, Fikile Mbalula, sê die party sal die hof se uitspraak respekteer oor hul uitdaging teen die nuutgestigte uMkhonto weSizwe-party se registrasie by die Onafhanklike Verkiesingskommissie (OVK).
Mbalula sê die ANC het sý kant van die saak aan die hof voorgehou en dat hulle die beslissing sal aanvaar en daarby berus – ongeag die uitkoms.
Die ANC het gekla dat behoorlike prosesse nie gevolg is nie, en gevra dat die MK-Party se registrasie by die kommissie hersien en tersyde gestel moet word.
Oud-president, Jacob Zuma wat verlede jaar aangekondig het dat hy die MK-party in die verkiesing sal steun, het in reaksie op dit beslissing gesê dat die MK en die ANC mekaar nou gaan pak by die stemlokale op 29 Mei.
Uitspraak is voorbehou in die verkiesingshof in Bloemfontein.
