15 Julie 2022
Die President van die ANC, Cyril Ramaphosa, sê die party oorweeg dit om ‘n tweede nasionale eletrisiteitsverskaffer op die been te bring om die risiko van toekomstige kragkrisisse te beperk.
Ramaphosa het die opmerkig gemaak tydens die SAKP se konferensie waar hy die ANC – as alliansievennoot – se ondersteuningsboodskap moes oordra.
Die voorstel is glo die eerste keer deur die minister van energie en minerale hulpbronne gemaak nadat Eskom genoodsaak was om fase 6-beurtkrag in te stel weens opwekkingsprobleme by verskeie van sy kragstasies.
Ramaphosa het klem gelê op die feit dat Eskom al vir meer as ‘n eeu as ‘n monopolie bedryf word en sê dit hou ‘n groot risiko in vir die land se ekonomiese stabiliteit.
Die party se president het die minister se voorstel geprys en sê die model werk vir Sjina – waar die staat meer as een energie-maatskappy besit om elektrisiteit op te wek.
