25 Augustus 2022
Die Gautengse voorsitter van die ANC, Panyaza Lesufi, sê die party moet ouer leiers – wat nie meer produktief is nie – die trekpas gee en jong mense inlei om die taak oor te vat.
Hy sê die party is besig om homself te hernuwe voor die nasionale konferensie in Desember.
Lesufi sê as die party aan bewind wil bly sal hy drasties sy benadering moet verander.
Hy sê geen party wil verkiesings verloor nie en hulle neem nie deel net om deel te word van ‘n koalisie nie.
Volgens hom het die party lesse uit sy foute geleer, dat hulle na binne fokus en beplan om dooihout uit te sny.
