15 Maart 2023
Eskom en sy voormalige hoof, André de Ruyter, het tot vandag kans om bewerings van korrupsie teen die ANC terug te trek en verskoning daarvoor te vra, voordat die party voortgaan met regsaksie – wat ‘n lastereis insluit.
Volgens die party se regsverteenwoordiger, Krish Naidoo, is die party besig met hofstukke, maar moet daar nog op ‘n bedrag vir die skade-eis ooreen gekom word.
Die ANC is glo op soek na De Ruyter en het briewe deur Eskom aan hom gerig, maar nog geen antwoorde gekry nie.
De Ruyter het tydens ‘n televisie-onderhoud gesê dat daar nagenoeg ‘n miljard rand per maand verduister word en dat die ANC die nutsmaatskappy as ‘n voertrog gebruik.
