18 April 2023
‘n 65-jarige man van Hebron in die New York staat van Amerika, word van tweedegraadse moord aangekla nadat hy ‘n 20-jarige vrou doodgeskiet het, wat sý oprit misgis het vir ‘n ander persoon se oprit.
Kaylin Gillis was saam met drie ander persone in die dorp toe hulle per ongeluk by Kevin Monahan se oprit opgery het. Volgens die polisiehoof, Jeffrey Murphy het Monahan op die motor losgebrand toe hulle ‘n u-draai wou maak.
“Die voorval is uiters hartseer omdat dit vier jongmense was, wat gesoek het na ‘n vriend se huis.” Volgens Murphy is dit ‘n klein dorpie, en die opritte is nie noodwendig goed verlig nie.
Die drie ander insittendes is nie beseer nie.
In nóg ‘n bisarre voorval is ‘n 84-jarige man in die Amerikaanse staat van Missourie daarvan aangekla dat hy ‘n 16-jarige tiener geskiet het wat verkeerdelik sy deurklokkie gelui het, om sy jonger broers by maats op te laai.
Andrew Lester word van aanranding aangekla.
