17 Mei 2021
Oud-president Jacob Zuma se korrupsieverhoor sal vandag hervat in die hoogeregshof in Pietermaritzburg.
Zuma staar 16 aanklagte van bedrog, korrupsie en geldwassery in die gesig, wat verband hou met die destydse Thales wapenskandaal.
Zuma het glo omkoopgeld ten bedra van R4-miljoen ontvang.
Hoewel die Nasionale Vervolgingsgesag gesê het hy is reg om vandag met die saak voort te gaan, kan die saak weereens uitgestel word, nadat Zuma en sy regspan se paadjies geskei het.
LEES OOK: JACOB ZUMA SE PROKUREUR ONTTREK
Die minister van openbare werke Patricia de Lille, wat destyds die fluitjie geblaas het oor die bedrogspul, is die eerste getuie van meer as 200 wat teen Zuma sal getuig.
De Lille het gister gesê sy is gretig dat die saak moet voortgaan omdat dit nou al vir meer as twee dekades sloer.
