5 Julie 2023
Die veroordeelde verkragters, Frans du Toit en Theuns Kruger, is op parool vrygelaat, nadat hulle in Desember 1994 vir die ontvoering en verkragting van Alison Botha tot lewenslange gevangenisstraf gevonnis is.
Botha het destyds 30 steekwonde aan haar maag opgedoen en haar keel is feitlik afgesny by Noordhoek, in Port Elizabeth. Sy is vir dood agtergelaat, maar het daarin geslaag om die name van haar aanvallers in die sand te krap voordat sy hulp gekry het. Sy was toe 27 jaar oud.
Botha het in 2015 gesê sy vrees dat haar aanvallers sal wraak neem as hulle op parool vrygelaat word.
Die departement van korrektiewe dienste sê die twee se paroolaansoek is goedgekeur ingevolge die wet op korrektiewe dienste, en meen hulle het voldoen aan al die nodige vereistes om vrygelaat te word.
Foto: Swisher Post
