7 September 2021
Joao Rodrigues – die voormalige polisieman wat van die moord op die apartheidsera aktivis – Ahmed Timol – aangekla is, is in die ouderdom van 82 oorlede.
Rodrigues se regsverteenwoordiger, Ben Minnaar sê sy kliënt is Maandagaand aan natuurlike oorsake oorlede.
Minnaar sê Rodrigues was olik sedert ‘n gedeelte van sy een long verwyder is.
Hy het ‘n paar weke in die hospitaal deurgebring voordat hy ontslaan is om tuis aan te sterk.
Hoewel Rodrigues tekens van herstel getoon het, het sy toestand skielik versleg en het hy die stryd verloor.
Die hoogste hof van appèl het Rodrigues se aansoek in Junie van die hand gewys waarin hy versoek het dat die staat permanent sy poging staak om hom te vervolg vir die dood van Timol in 1971. Hy is in polisieaanhouding dood toe hy uit die gebou van die destydse John Vorsterplein-polisiekantoor in Johannesburg geval het.
‘n Geregtelike ondersoek in 2017 het egter getoon dat Timol vermoor is.
Stem vir die Aitsa’s
