11 September 2023
Suid-Afrikaanse maatskappye wat kundigheid in die buiteland werf, beleef nóg ‘n terugslag met die departement van binnelandse sake wat nie kan bybly met die verwerking van werksvisums nie.
Suid-Afrika staar ‘n kritieke vaardigheidstekort in die gesig, en die aanstelling van internasionale werkers is dikwels genoem as ‘n kort- en mediumtermyn manier om die kwessie aan te pak.
Die waarnemende hoofdirekteur van permitte by die departement, Phindiwe Mbhele, sê die agterstand het nou tot meer as 74 000 toegeneem.
Verelde jaar het die agterstand op ongeveer 60 000 gestaan.
Volgens die departement verwag hy om die agterstand – op die vroegste – teen die middel van 2024 uit te wis.
