23 Oktober 2024
Die omstrede diamantsmous, Louis Liebenberg se eie media-organisasie, Die Waarheid Media, berig dat Liebenberg en sy vrou, Dezzi, gisteraand in hegtenis geneem is.
Hoewel die Valke dit nog nie bevestig het nie, is die twee glo by ‘n restaurant in Benoni – aan die Oosrand aangekeer.
Dit is nie bekend watter aanklagte hulle in die gesig sal staar nie, maar hulle het vermoedelik die nag in die selle deurgebring en sal vandag in die hof verskyn.
Verskeie bewerings is in die verlede teen Liebenberg gamaak met inbegrip daarvan dat hy ‘n piramide-skema bedryf en dat hy hooggeplaaste politici omgekoop het. Beleggers het sedert 2019 sowat R4-miljard deur middel van die skema verloor.
Intussen berig Netwerk24 dat agt mense na bewering teen vanoggend in hegtenis geneem is in verband met Liebenberg se beweerde piramide-skema. Die aanklagte wat dié agt in die gesig staar, sluit bedrog, geldwassery, diefstal en rampokkery in.
