13 Februarie 2023
Bewerings dat studente aan die Universiteit Stellenbosch (US) nie Afrikaans mag praat nie, het weer tydens die verwelkomingsweek kop uitgesteek.
Eerstejaar Matiestudente aan die Isa-dameskoshuis is na bewering voorgesê om slegs Engels te praat. Volgens berigte is daar glo aan inwoners gesê: “I don’t care if your mammie and pappie speaks Afrikaans at home, you are a Isa now.”
Koshuisleiers dring glo daarop aan dat Afrikaans ook nie tydens private gesprekke gebruik mag word nie.
LEES OOK: UNIVERSITEIT STELLENBOSCH SE TAALBELEID BLY VIR EERS IN SY HUIDIGE FORMAAT
Die Isa-dameskoshuis is nie ’n US-koshuis nie, maar neem volledig deel aan die US se verwelkomingsprogram. Matiestudente kan ook daar tuisgaan.
Volgens die Isa-Carstens akademie is die voorval egter ‘n misverstand. Die universiteit het in ‘n verklaring gesê dat taal oor meer gaan as net die taal en dat inklusiwiteit daardeur ook bewerkstellig moet word.
Die DA-LP, dr. Leon Schreiber het reeds ‘n skrywe aan die Menseregtekommissie gerig waarin hy antwoorde eis oor die bewerings.
