7 Junie 2023
Die burgerregteorganisasie, AfriForum, het ’n handleiding met wenke en antwoorde op gereelde vrae oor die besit en hantering van vuurwapens bekendgestel.
Onderwerpe wat in die handleiding bespreek word sluit in watter voorwerpe as vuurwapens beskou word, die lisensie-aansoekproses, die veilige en wettige stoor van vuurwapens en ammunisie, die dra en vervoer van vuurwapens asook die gebruik van ’n vuurwapen.
AfriForum se woordvoerder vir gemeenskapsveiligheid, Jacques Broodryk sê daar was onlangs verskeie voorvalle waar lede van die polisie wettige vuurwapeneienaars by padblokkades geteister het omdat hul in besit van vuurwapens was wat hul wettiglik mag hê.
Hy sê AfriForum ondersteun die wettige en verantwoordelike besit en hantering van vuurwapens en daarom het hulle dié handleiding saamgestel.
Die handleiding is hieronder beskikbaar.
