29 Junie 2021
Die Burgerregteorganisasie, AfriForum het ’n brief gerig aan Google se direkteur vir Suid-Afrika, dr. Alistair Mokoena waarin hy ‘n verduideliking eis oor sekere artikels op dié soekenjin.
Die organisasie sê hy soek duidelikheid oor wat blyk te wees die “onderdrukking deur Google op sy soekenjins van toepaslike artikels wat handel oor anti-wit rassisme en/of diskriminasie in Suid-Afrika.”
AfriForum se veldtogbeampte vir strategie en inhoud, Ernst van Zyl sê die beweerde teenstrydighede het onder die organisasie se aandag gekom ná ’n ondersoekende artikel deur PoliticsWeb oor ’n vergelyking tussen Google soekenjinresulate teenoor ander sokenjinresultate vir frases soos anti-white racism in South Africa, anti-white racial discrimination in South Africa of discrimination against whites in South Africa.
Volgens hom sal verdere ondersoek hieroor gedoen word met behulp van spesialiste.
Van Zyl meen: “diskriminasie en rassisme teenoor wit Suid-Afrikaners en ander minderheidsgroepe is ‘n onmiskenbare feit. Dit is kommerwekkend dat toepaslike en goed nagevorste artikels en bronne oor dié kwessie nie in Google-soektogte voorkom nie.”
