19 November 2021
Die burgerregte-organisasie, Afriforum sê hy sal privaat vervolging in die Brendin Horner-saak oorweeg indien hy vasstel dat daar onbehoorlike inmenging in die saak was.
Die organisasie is van mening dat die verwikkelinge in die Brendin Horner-saak om verskeie redes uiters kommerwekkend is.
Die twee beskuldigdes is vandag ook onskuldig bevind aan skaapdiefstal nadat die moordklagte teen hulle laat vaar is.
AfriForum se bestuurder van veldtogte, Jacques Broodryk sê inligting oor polisiebetrokkenheid by veediefstalsindikate in die Vrystaat doen lankal reeds die rondte.
Hy sê as jy dit in ag neem, is dit skokkend dat dit die polisie oënskynlik ’n jaar geneem het om te besef dat die DNS wat op die toneel gevind is, nie met die verdagtes s’n ooreenstem nie.
Voorts sê Broodryk dat die feit dat Boy Khambule – die staatsgetuie in die saak – nou sy getuienis verander het, kan vir seker die indruk skep dat iemand by die saak inmeng.
Hy is van mening dat die nuwe verwikkelinge bevestig AfriForum se standpunt dat plaasaanvalle as ’n prioriteitsmisdaad geklassifiseer moet word sodat sake deeglik – sonder enige inmenging – ondersoek kan word
Stem vir die Aitsa’s
