AfriForum, het vandag ’n stel waterpistole, wat geoormerk is vir die lyfwagte van die minister van polisie, Senzo Mchunu, by dié departement se hoofkantoor in Pretoria oorhandig.
Die organisasie sê dié “wapens” is oorhandig in protes teen die voorgestelde wysigings aan regulasies wat die privaat veiligheidsektor vir alle praktiese doeleindes sal ontwapen.
AfriForum se hoofwoordvoerder vir gemeenskapsveiligheid, Jacques Broodryk sê in ‘n verklaring hy het ook ’n brief, waarin die organisasie se teenkanting teen die voorgestelde wysigings aan regulasies ingevolge die Wet op die Regulering van die Privaat Sekuriteitsbedryf uiteengesit is, aan Mchunu se kantoor oorhandig.
Die organisasie voer met dié protesaksie aan dat indien Mchunu die aanpassings van dié regulasies steun, en dit derhalwe vir privaat sekuriteitsbeamptes feitlik onmoontlik maak om hulself en ander te beskerm, dit net billik sal wees vir sy eie lyfwagte om oneffektiewe wapens, soos watergewere, te dra.
“Dis is verregaande dat die regering op privaat veiligheidsdienste moet staatmaak om geboue – en in sekere gevalle selfs polisiestasies – te bewaak, terwyl regulasies wat die einste industrie magteloos sal laat, terselfdertyd deurgedruk wil word,” sê Broodryk
Die voorgestelde wysigings is op 28 Maart Staatskoerant gepubliseer.
3 Responses
Dankie Afriforum om ‘n punt te bewys van die belaglike wet wat die regering probeer deurdruk
NEE vir die voorgestelde wysigings wet en regulasies wat die Privaat veiligheidsektor wil ontwapen.
Die anc sê dat misdaad buite beheer is, dit will sê met die nuwe regulasies beoog hulle dat misdaad hul wens van geen opposisie sal realisee.
Begin van kommunisme.
Ons is reeds sosialisties.