14 Julie 2022
Die burgerregteorganisasie, AfriForum, sê hy is gereed om die hof op ‘n dringende grondslag te nader, sou die regering besluit om weer ’n ramptoestand in te stel in ‘n poging om beurtkrag te beëindig.
Volgens AfriForum het die regering in die afgelope paar jaar bewys dat hy nie vertrou kan word met die uitgebreide magte wat ’n ramptoestand aan hom gee nie.
Die organisasie se veldtogbeampte vir strategie en inhoud, Ernst van Zyl, sê hierdie moontlike ramptoestand gaan waarskynlik net soos die Covid-19 ramptoestand misbruik word om politici te verryk, onreëlmatige tenders uit te deel en parlementêre oorsig vry te spring.
Van Zyl sê dit wil vir hulle voorkom of die rampbestuurswet nou die regering se nuwe gunsteling instrument geword het om korrupte aktiwiteite mee te vergemaklik en uit te voer.
